تربى بين صور و بساتينها ، كبر بين تلال ضيعتو و الموجات ..
صار شب .. وطلعو شواربو عالعاصمة شرّف ..
و من بيروت سافر وعبلاد برّا تعرف...
برم الكون كحلون ، و ذاق عند الكل، ما لقي اطيب من اكل لبنان...
كحلون ضلّ يحن للضيعة، بيوتها الكدان و شبابيك منها الأصل بيطل ..
ومن لهفتو صار كل ما شاف حجر من ضيعتو مهاجر يلمّو.
و بعد سنين عمر و خبار ما بتخلص ، رجع كحلون و حامل معو أفكار
حابب يرجّع اللي كان يبسطنا
عمّر الدار و مسطبة تحت السما قعداتها حلوة، و من لوحة قديمة رسم خبزاتها و شمساتها، قهواتها و مياتها ، فياتها ، زيتاتها.. و ضمّة زهور و حكي من حكاياتها!
كحلون الضيعة
كحلون ضيعة ستي وجدي القديمة بتفاصيلها الصغيرة وحكاياتها الي ما بتخلص،
كحلون بيوت الحجر والناس الطيبة، وريحة الحبق بكل زواريبها وحلقات الدبكة بتستقطب الزوار.
كحلون الجارة اللي عم تخبز عالصاج من وج الضو، واولاد الحي عم يلعبوا بساحات الديار، والصبايا الحلوة بيتمختروا محملين من النبعة جرار جرار، واصوات ضحكاتن تعلي وترجع الفرحة لقلب كحلون هالختيار.
Diese Seite sammelt und organisiert eine Liste von Restaurants auf der ganzen Welt. Was Sie interessiert, finden Sie mit wenigen Klicks und kostenlos.
Diese website überlebt nur mit ein paar nicht invasiven bannern, so dass wir Sie bitten, jede ADblock-Software deaktivieren. Alternativ können sie auch ihre lieblings-events woanders finden oder glicken GEFALLT MIR
Hinterlassen sie einen kommentar